Kreu i Partisë Demokratike Sali Berisha po mban një takim me anëtarët e Departamentit të Shëndetësisë në selinë blu.
Në fjalën e tij, Berisha u shpreh se pagat e mjekëve janë një nga arsyet se përse punonjësit e sistemit të shëndetësisë largohen nga vendi, duke emigruar në vende europiane si Gjermania.
Berisha u shpreh se për sa kohë që kryeministri vjedh, e njëjta gjë ndodh edhe në zinxhirin që e pason.
“Sot shqiptarët nuk dinë çfarë blejnë në farmaci. recetat nuk kanë asnjë garanci se ilaçet që marrin të sëmurët kanë efikasitet. është vendosur një raport në jo pak raste i pandershëm e i padrejtë, por edhe çnjerëzor midis sektorit privat dhe atij publik. Sektori publik të diagnostikon por nuk të operon nuk të ofron ndihmë se ka një marrëveshje të fshehtë me privatin. Ky është realitet. Nuk të operon jo se nuk aftësi e njohur, por ndan fitimet. E kundërta duhet të ishte. Ne jemi për sektorin privat, por jo në një simbiozë e bashkëpunim të tillë në kurriz të jetës e shëndetit të njerëzve.
Të gjitha këto kanë një shkak, injorimin e sistemit jetik për shoqërinë shqiptare. Rama deklaronte se brenda vitit do të ketë dyfishim të rrogave të mjekëve, nuk deklaroi dot se brenda këtij viti do barazojë rrogat e mjekëve me të Kosovës. Unë e kuptoj që vërtetë emigracioni është i pashmangshëm për disa arsye, por ata që duhet të mbajnë një sitëm shëndetësie, bëjnë gjithçka për të paguar e shpërblyer punonjësit e sistemit. Nga Italia shkojnë në Gjermani, nga Hungaria shkojnë në Gjermani, por Hungaria për këtë shkak e jo për arsye tjetër, rrogat e mjekëve i disafishoi duke lënë në këtë mënyrë një marzh shumë të vogël ndryshimi, vetëm që t’i qëndronte sistemi në këmbë. Nëse duam të mbajmë sistemin, nuk mund ta mbajmë me emulacion, por me shpërblim e me kushte. Por kur përdor buxhetin për të pasuruar veten dhe ministrat, kur firmos për tre djegësa 420 mln e sot nuk është asnjë në punë ose nuk ekzistojnë fare. kur vepron gjithçka në kundërshtim me ligjin duke i çelur derën vjedhjes. Nuk mbetet për rrogat.
KLSH konstaton se në 9 muajt e parë të këtij viti u vodhën e shpërdoruan 122 mld lekë. U vodhën e u shpërdoruar, 30 përqind më shumë se fondi i pagave të republikës. Me aq sa u vodhën e shpërdoruan në këto muaj, çdo rrogëtar i këtij vendi mund të kishte marrë rrogë të dyfishtë e kishte tepruar 1/3.
Nëse ndërton shkolla si në Tiranë me 6 fishin e çmimit, kur me manuale ndërtimi çmimi është i përcaktuar, nëse ndërton një nënkalim me 13.2 mln euro që në asnjë rast e rrethanë nuk shkon më shumë se 2 mln, sepse materialet e ndërtimit kanë manuale ku përcaktohet çmimet përfshirë koston e punës, nuk ngelet gjë për punonjësit.
Kur shndërron administratën në makineri të vjedhjes, sepse vjedh kryeministri, nuk mbetet gjë.
Nëse ti që je në krye, çdo firmë që vijon ndjek po atë linjë. Kjo është arsyeja pse na ikin mjekët e infermierët”, tha ai.
Arena e Lajmit
and then