Çelsi ka zyrtarizuar në fund të merkatos transferimin e mbrojtësit francez, Uesli Fofana.
21-vjeçari prej kohësh kërkohej nga “Blutë” dhe më në fund presidenti i londinezëve, Tod Bohli, ka arritur të bindë Leistërin për këtë transferim.
Ky operacion shkon për një shumë rekord për Çelsin, me “Blutë” që do t’i paguajnë Leistërit 80 milionë euro, duke e bërë atë mbrojtësin më të shtrenjtë në historinë e klubit nga Londra.
Ai ka firmosur një kontratë që e mban atë te Çelsi deri në vitin 2028 dhe do të bashkohet menjëherë me skuadrën e Tomas Tuhel, e cila po kalon një periudhë jo të mirë në kampionat.
Arena e Lajmit