Ols Dado komandohet prokuror në SPAK nga Këshilli i Lartë i Prokurorisë.
Komandimi i Dados është bërë përkohësisht, me kërkesë të drejtuesit të SPAK, Altin Dumani.
Duke iu referuar burimeve nga KLP, Klodiana Lala tha për BalkanWeb se Dumani e ka kërkuar komandimin përkohësisht për nevoja pune.
Kujtojmë se SPAK aktualisht bëhet me 18 prokuror nga 20 të parashikuar në organikë.
VENDIMI
Këshilli i Lartë i Prokurorisë në mbledhjen plenare të datës 06.03.2023, kishte parashikuar në pikën e 17 të rendit të ditës diskutimin/miratimin e relacionit si më poshtë:
“Për ndërprerjen e komandimit të prokurorit Ols Dado në Prokurorinë e Përgjithshme dhe dhënien e opinionit për transferimin e tij në Prokurorinë e Posaçme kundër Korrupsionit dhe Krimit të Organizuar.”
Në këtë mbledhje plenare u miratua bazuar në legjislacionin në fuqi dhe kërkesën e paraqitur nga prokurori Ols Dado, Vendimi Nr.60 “Për përfundimin e kohëzgjatjes së komandimit”, për zotin Ols Dado, para afatit të miratuar me Vendimin e KLP-së Nr.8, datë 20.01.2020, dhe kthimin e tij në detyrën e prokurorit në Prokurinë pranë Gjykatës së Shkallës së Parë Tiranë.
Në po të njëjtën seancë pas adresimit të kërkesës së Prokurorisë së Posaçme kundër Korrupsionit dhe Krimit të Organizuar, KLP-ja vendosi unanimisht të japë opinionin pozitiv për transferimin e përkohshëm të zotit Ols Dado pranë kësaj strukture.
Arena e Lajmit
and then