Prej thuajse tri vitesh Bylisi është bërë një kafshatë e lehtë për Partizanin në ndeshjet direkte.
Të kuqtë në katër përballjet e sezonit 2020-2021, kur ballshiotët ishin pjesë e elitës, regjistruan një barazim pa gola dhe më pas tri fitore radhazi.
Fitorja e fundit e Bylisit ndaj Partizanit daton para rreth tri vitesh, saktësisht më 7 dhjetor të vitit 2019, kur mallakastriotët fitonin me shifrat 1-2, falë golave të Ndrecës dhe Guindos.
Në total Partizani dhe Bylisi janë ndeshur plot 28 herë. Ballshiotët kanë arritur të dalin të fituar në 8 raste, teksa Partizani në 10 ndeshje.
Po aq sfida janë mbyllur në barazim. Kështu, në total “demat” kanë një avantazh të lehtë falë ecurisë së mirë në sezonet e fundit. Gjithsesi, beteja e nesërme është një histori e re, ku vendësit do të synojnë minimalisht t’i ndalin kryesuesit.
Arena e Lajmit
and then