Bajerni e mbylli këtë merkato të verës me disa goditje të bujshme siç ishin De Ligt dhe Mane, por pa arritur dot të transferonin një tjetër sulmues për të zëvendësuar të larguarin Levandovski. Sidoqoftë duket se ky plan nuk është larguar nga vëmendja e drejtuesve të klubit të cilët kanë nisur kontaktet për afrimin e sulmuesit të Totenhemit Herri Kejn në verën e ardhshme.
Sipas “Bild” drejtuesit e bavarezëve duken të bindur se anglezi do të jetë zgjidhja e duhur për të kompletuar repartin e avancuar dhe kanë nisur kontaktet me agjentin e tij të cilat do të vazhdojnë të pandërprera.
Kontrata e Kejn me Totenhemin përfundon në vitin 2024 me Bajernin që do të përpiqet ta përdorë situatën në favorin e tij për ta transferuar anglezin me një çmim të reduktuar.
Arena e Lajmit
and then