Ish-sulmuesi i Atletikos, Diego Kosta është përfolur në ditët e fundit për një rikthim të bujshëm në Premier Ligë të skuadra e Uolverhempton ku pritet të kryej vizitat mjekësore në ditën e sotme. Sidoqoftë duket se kompletimi i kësaj marrëveshje nuk do të jetë dhe aq i lehtë me autoritetet vendase që kanë bllokuar për momentin çdo gjë për shkak të lejes së punës për sulmuesin.
Sipas raportimeve nga “The Sun” rregulloja e ndryshuar pas daljes së Mbretërisë së Bashkuar nga BE-ja ka vështirësuar transferimin e sulmuesit i cili për momentin nuk po e siguron dot lejen e punës që i mundëson të luaj në Premier Ligë.
Uolverhampton dhe përfaqësuesit e sulmuesit po punojnë për të zgjidhur situatën, me Kostën që është në pritje për të mësuar të ardhmen e tij.
Arena e Lajmit