Partizani po fiton, por dëmtimet vijojnë ta pengojnë jo pak trajnerin Kolela për të profilizuar një formacion fiks. Mensah dhe Romero vijojnë të jenë të dëmtuar dhe pritet të mungojnë gjatë, ndërsa shqetësim ka edhe për Hotin dhe Matondon.
Të dy kanë dëmtime të lehta në kavilje dhe janë në dyshim për ndeshjen me Erzenin në fundjavë. Më në rrezik është Matondo, i cili u dëmtua me Bylisin.
Ditën e djeshme ai ka kryer ekzaminimet dhe fatmirësisht nuk ka rezultuar dëmtim i rëndë. 22-vjeçari është në garë me kohën për të luajtur ndaj Erzenit. Në rast se nuk ia del, Telushi pritet ta zëvendësojë, por në stol do të ketë më pak alternativa për Kolelën.
Arena e Lajmit