Kendall Jenner dhe Bad Bunny thuhet se u panë “duke u puthur në publik” gjatë një darke të fundit në Los Angeles.
Një burim i tha Us Weekly se ylli i “Kardashians”, 27 vjeç dhe muzikanti, 29 vjeç, u shfaqen në një restorant Sushi. Insajderi i tha gazetës se dyshja u panë shumë të afërt me njëri-tjetrin ndërsa shijonin vaktet e tyre.
Takimi i çiftit për sushi vjen tre ditë pasi ata u panë duke u përpjekur të fshiheshin teksa dilnin nga Bird Streets Club në West Hollyëood, Kaliforni, në një makinë së bashku herët në mëngjesin e së dielës së kaluar.
Jenner u pa duke u përpjekur të mbrohej nga paparacët duke mbuluar fytyrën me duar, ndërsa i dashuri i saj i përfolur dukej anash me një dorë mbi fytyrën e tij.
Këngëtari i “Tití Me Preguntó” – i lindur Benito Antonio Martínez Ocasio – dhe supermodelja fillimisht ndezën thashethemet për lidhje muajin e kaluar, më pas u panë duke dalë nga i njëjti restorant në Beverly Hills – megjithëse u larguan me dalje të ndara.
Justin dhe Hailey Bieber u panë gjithashtu në restorant, ku dukej se ishte një darkë mes çiftesh.
Në fillim të këtij muaji, Bad Bunny dhe Jenner vazhduan të nxisin thashethemet për lidhje kur u panë të përqafuar pas një nate tjetër. Dhe një javë më vonë, dyshja lanë së bashku festën e Beyoncé dhe Jay-Z për Oscar 2023 .
Ndërsa Bad Bunny dhe modelja e kanë mbajtur lidhjen e tyre të fshehtë, romanca erdhi vetëm disa muaj pasi Jenner u nda me Devin Booker, me të cilin u takua dhe u nda për dy vjet deri në tetor 2022.
NDIQE LIVE “PANORAMA TV”
and then