Ish-deputeti i PS-së dhe aktualisht presidenti i KOKSH, Fidel Ylli tha se bastet nuk i mbylli as Enver Hoxha. Një nga iniciuesit për rikthimin e tyre tha në “Open” në News24 se bastet online po luhen më shumë se më parë dhe se me rikthimin synohet kontrolli i tyre nga shteti, jo privati.
Ylli solli shembuj, duke thene se “baste ka në Francë, Gjermani, Angli, Suedi, Finlandë, në të gjithë vendet që janë pjesë e Europës”.
“Që u mbyllën bënë mirë që u mbyllën, unë e kam votuar me dy duart. Zbrisje poshtë lokalit dhe kishte 15 lokale bastesh. Qeverisë i kishte ikur nga kontrolli situata. Luhet më shumë online se më parë. Unë vetë nuk luaj.
Të kontrollon sistemi. Sot luajnë me 20-30 mln në javë. Si është më mirë që këto para, para të pista, droge, krimi, i marrin i çojnë në Malajzi, 400 mln lekë i ikin shtetit shqiptar.
Kontrabanda është në të gjithë vendet e botës, mund të hapësh llogari fiktive, por ti mund të luash me 2-3-5 dollarë. Këto janë dëgjesa publike që ta informojmë opinionin publik pse i kërkon qeveria këto.
Ai fund duhet të mbaronte se ishte një shpifësirë e madhe. Nuk do jenë më bastet nëpër sallone, ti do kontrollohesh se celulari jot ka lënë gjurmë dhe krimi ekonomik vjen nesër, ti ku i gjete lekët që po i vë bast. Unë po të tregoj ligjet europiane. Qeveria italiane nuk është e marrë. Bastet u mbyllën me sallone që rrinin me orë të tëra. Kontrabandën nuk e zhdukim dot se ka dhe kontrabandë nafte dhe cigaresh. Po them pse qeveria ma lejon një paketë që thotë të vret, që dëmton jetën e njerëzve. Pse alkooli që është haram lejohet. Janë fenomene që janë kontrolluar që në kohët e lashtësisë. Mos të luajnë njerëz që janë nën 18 vjeç dhe me shuma të mëdha parash”, deklaroi Ylli.
and then