Goli i polakut Milik, i anuluar në minutën e 95-të, në duelin Juventus-Salernitana, shkaktoi kaos dhe polemika, teksa gjyqtari nxori nga xhepi i tij plot 4 kartonë të kuq, pas atij episodi. Ky gol i anuluar i hoqi nga dora fitoren Juventusit, që në fund doli nga fusha me vetëm 1 pikë.
Vendimi i gjyqtarit, pas konsultimit me VAR-in për ta anuluar golin, ka tërbuar pa masë trajnerin Masimiliano Alegri, i cili protestoi ashpër dhe u ndëshkua me karton të kuq.
Në konferencën për shtyp trajneri bardhezi tha së Kandreva ishte shumë mbrapa dhe i mbante të gjithë në lojë, ndaj goli nuk duhej anuluar.
“Unë nuk dua të flas për arbitrat, por shikoni Kandrevën pranë flamurit të këndit, i mban të gjithë në lojë dhe nuk ka pozicion. Pastaj Bonuçin e tërheqin qartazi nga fanella para se të shkojë në atë pozicion dhe duhej një tjetër penallti. Megjithatë në pjesën e parë gabuam shumë dhe ndoshta nuk meritonim më shumë se kaq”, tha Alegri.
Arena e Lajmit
and then