Të tjera detaje hedhin dritë mbi ngjarjen e rëndë që tronditi dje Shkozën në kryeqytet, ku një 43-vjeçar vrau me armë zjarri kunatën e tij teksa kjo e fundit flinte bashkë me fëmijën e saj të mitur. Roland Sinani pasi qëlloi për vdekje kunatën e tij, Migenën, më pas u vetëvra.
Gazetari Igli Çelmeta raporton për BalkanWeb se prindërit kishin dëgjuar të shtënat armësh rreth orës 4 të mëngjesit, ndërsa nëna e autorit ishte e para që ishte përballur me 43-vjeçarin, duke iu drejtuar; “Çfarë na bëre o bir?!”.
Ndërkohë, 43-vjeçari i kishte treguar nënës së tij se; “ Vrava Migenën” dhe pas këtij episodi ai ka dalë jashtë në oborr dhe ka vrarë veten me të njëjtën armë, që e kishte pa leje. “Hymë në dhomë te nusja dhe pamë nëse kishte apo jo shenja jete, apo nëse ishte lënduar fëmija”, mësohet të jetë shprehur para oficerëve të policisë nëna e autorit.
Roland Sinani, ishte i pamartuar dhe merrte mjekim pasi vuante nga probleme të shëndetit mendor. Ndërkohë, burri i 37-vjeçares dhe vëllai i autorit të dyshuar punon si taksist dhe mësohet se kur ka ndodhur ngjarja nuk ka qenë në banesë. Policia ka sekuestruar armën e zjarrit pistoletë, ndërsa sot dy viktimat janë përcjellë për në banesën e fundit.
Arena e Lajmit
and then