Nedim Bajrami nuk ndryshoi skuadër gjatë merkatos së verës, edhe pse kishte shumë zëra rreth një transferimi të mundshëm të tij në skuadra si Fiorentina dhe Sasuolo që interesoheshin për fantazistin e kombëtares shqiptare. Por në fund asgjë nuk ndryshoi dhe Bajrami mbeti pjesë e Empolit, ku për momentin ka humbur vendin e titullarit, i ndikuar dukshëm nga kjo situatë.
Këtë e pranon edhe drejtori sportiv i klubit toskan, Pietro Akardi, i cili ka sqaruar të vërtetën rreth zërave që shoqëruan futbollistin gjatë të gjithë verës.
“Rreth Bajramit ka pasur shumë llafe, por asgjë konkrete. Në gazeta dukej sikur çdo ditë kishim një negociatë për të. Kjo nuk e la të qetë. Është i ri dhe jo të gjithë reagojnë në të njëjtën mënyrë. Por ai është i lumtur që qëndroi. Dhe është një futbollist i cili ka dëshirë që të rritet”, komentoi Akardi situatën e fantazistit shqiptar.
Arena e Lajmit
NDIQE LIVE “PANORAMA TV”
and then