Tirana ka fituar derbin e parë për këtë sezon futbollistik, jo atë të të rriturve, por për kampionatin e moshës U-21 në Superiore. Në ndeshjen e zhvilluar në kompleksin “Skënder Halili”, ekipi bardheblu, i drejtuar nga Gentian Muça, ia ka dalë të mposhtë Partizanin me rezultatin 3-0.
Në ndihmë skuadrës U-21 të Tiranës i erdhi mbrojtësi i ekipit të parë, Besir Iseni, që përfitoi nga një gabim i portierit në minutën e 7-të. Në minutën e 20-të, mesfushori Galip Arapi, i Partizanit, dëmtohet rëndë dhe përfundon në spital.
Çast nga ndeshja e djeshme
Foto: F.Hazisllari
Pjesa e parë përfundoi 1- 0. Në të dytën ka pasur edhe një tjetër dëmtim të rëndë, portieri Forald Hoxha ka dalë me barelë nga fusha. Dyfishimi i shifrave do të vinte në minutën e 63-të me Arbër Bytyqin, që gjithashtu është pjesë e ekipit të parë.
Çast nga ndeshja e djeshme
Foto: F.Hazisllari
2-0, dhe trajneri Muça u jep mundësinë edhe disa lojtarëve të tjerë që të aktivizohen. Kur loja po shkonte drejt fundit, ishte sërish Bytyqi, i cili shënoi golin e tretë të sfidës dhe të dytin personal.
Arena e Lajmit
NDIQE LIVE “PANORAMA TV”
and then