Gazetari Arion Sulo dhe ish-ministri Aldo Bumçi janë përplasur në një debat me tone të larta në studion e emisionit “Open” në News24, teksa tema e bisedës ka qenë opozita dhe fuqia e saj për t’u përballur me qeverisjen.
Sulo deklaroi se opozita i merr skandalet dhe i vret, ndërsa shtoi se opozita e tanishme nuk mundet ta rrëzojë kryeministrin Rama, gjë që sipas tij do e bënte një tjetër opozitë.
Nga ana tjetër ish-ministri Bumçi iu drejtua duke i thënë se Sulo nuk e ka mbrojtur opozitën, gjë të cilës gazetari iu kthye duke thënë se nuk ka komplekse të thotë se nuk e mbron opozitën nëse nuk ka të drejtë.
Pjesë nga biseda:
Sulo: Njerëzit e kuptojnë, i dinë burimet. Ju biles e dëmtuat, e kthyet se Berisha është non-grata nga blerja e Ramës. Ju e merrni skandalin dhe e vrisni.
Shehu: Njerëzit e dëgjojnë dhe e besojnë kur e themi ne.
Bumçi: Dolën shqiptarët në protestë se kanë dinjitet.
Sulo: Ne i kemi thënë të vërtetat për qeverinë më shumë se ju. Po flas për Zekthin, ka thënë më shumë skandale se ju si opozitë.
Bumçi: Kë ke mbrojtur në opozitë për 1 vit e gjysmë? Bëhu dhe ti me opozitën e vërtetë që ta rrëzojmë!
Sulo: Unë nuk e mbroj kur nuk ka të drejtë. Nuk kam komplekse ta them. Ky është ligjërim komunist. Rama do ikte me një opozitë tjetër. Ju nuk e rrëzoni dot. Ti e kalëron dot këtë opozitarizëm, e kapitalizon dot?
Bumçi: Çfarë keni folur ju, kë opozitë keni mbrojtur. Kur ka regjim dhe nuk je me opozitën je me regjimin.
Sulo: Nuk mbrohet kur nuk ka të drejtë opozita. Ça i di shqiptarët ti? Mos kujto se nuk e bëjnë dallimin. Kjo është një shpifje, bëre një shpifje.