Mikel Arteta është shpallur trajneri më i mirë i muajit gusht në Premier Ligë pas startit perfekt të “Topçinjve” të sezonit 2022-’23. Arsenali e nisi kampionatin me 5 fitore në po kaq ndeshje, duke i rikthyer londinezët në krye të klasifikimit pas shumë vitesh.
Në konferencën për shtyp përpara ndeshjes së nesërme kundër Brentfordit, tekniku spanjoll i bëri një ftesë ish-trajnerit të tij, Arsen Venger, duke e ftuar të vizitojë skuadrën. Francezi, i cili u tërhoq pas 22 vitesh në stol, tha se nuk ka shkelur në klub që kur u largua në vitin 2018.
“Do doja ta shihja sërish. Ai ka çdo derë dhe dritare në këtë klub të hapur për t’u rikthyer kurdo që të jetëgati. Ai e di këtë nga ana ime, por edheprej pjesëtareve të tjerë të klubit.
Shpresoj që kjo të ndodhë së shpejti, sepse ai do të frymëzonte dhe shumënjerëz do të ishin të lumtur nëse do tashihnin sërish pranë klubit”, tha Artetanë konferencën e djeshme.
Arena e Lajmit
NDIQE LIVE “PANORAMA TV”
![](https://www.panorama.com.al/sport/wp-content/static/klikoperkepanoramaonline.jpg)