“Garda ndërhyn vetëm kur cënohen fizikisht deputetët”, Bardhi debat me Nikollën: Ka mbetur të ndani pozitën me opozitën me gardh. Po del në pension dhe…

Deputeti Gazment Bardhi ka deklaruar se Garda duhet të ndërhyjë në sallën e Kuvendit vetëm kur ka rrezik për cënim fizik të deputetëve.

Pjesë e diskutimit:

Bardhi: Kërkesa ime ju drejtohet ju se jeni aty për të garantuar zbatimin e ligjit dhe Rregullores. Anëtarët e Gardës ndërhyjnë në sallë me urdhër tuajin kur cënohet integriteti fizik i deputetëve.
Show që ju bëni çdo seancë është e shëmtuar. Këtu nuk ka asnjë rrezik për konflikt fizik. Ç’jemi ne, regjim autoritar?

Nikolla: Mos ndërhyni në detyrat e Gardës. Respekt për ta!

Bardhi: Respekt total për ta dhe mungesë respekti për ju që e shkelni Rregulloren se bën sikur e lexon edhe se lexove kurrë deri në fund.

Nikolla: Shyqyr të kam ty që më mëson

Bardhi: Po shkon në pension dhe se ke mësuar akoma. Rregullorja thotë duhet të hyjnë në sallë vetëm kur ka rrezik cënimi integriteti fizik për deputetët.

Nikolla: Sepse ju nuk flisni nga vendi por nga foltorja.

Bardhi: Nuk ka asnjë rregull për të folur në vend po foltore. Duhet të kthesh rregullin. Nuk mund ti japim perceptimin qytetarëve se këtu po ndodh një konflikt i madh fizik sa duhet ndërhyrja e Gardës. Ndryshe vendos një gardh edhe ndaj pozitën nga opozita. Nuk ka ndërmend njeri të prekë njeri me dorë.