“Balluku do 1 mln lekë për një biftek, ne s’kemi të hamë”, banorët e Bërxullës në protestë: Rama i jep 250 mijë euro amerikanit, pse nuk ja jep atyre në nevojë?!

Gjatë protestës së tyre kundër ndërtimit të aksit Thumanë-Kashar me pretendimin se pronat e tyre nuk po vlerësohen ashtu si duhet, banorët e Bërxullës nuk kanë kursyer as thirrjet kundër qeverisë duke denoncuar veprimet e tyre.

Banorët vunë në dukje se zëvendëskryeministrja dhe njëherazi ministrja e Energjetikës Belinda Balluku “ha biftekë nga 1 milion lekë”, ndërsa kryeministri Rama ha “dreka nga 10 mijë euro”, teksa vetë ata nuk kanë ushqim të mjaftueshëm.

Ata folën më tej edhe për aferën e korruptimit të ish-agjentit të FBI-së Charles McGonigal, duke thënë se pse Rama nuk ia dha paratë një qytetari në nevojë, por ia dha “amerikanit”.

Arena e Lajmit