Kreu i Partisë së Lirisë Ilir Meta, ka reaguar në lidhje me protestën e banorëve të Bërxullës paraditen e sotme.
Nëpërmjet një postimi në Facebook, Meta ka shprehur solidarizimin me banorët, teksa ka shtuar se “qeveria grabitqare e ‘Rilindjes’ zhvlerëson pronat e ligjshme të qytetarëve dhe se prioritet i saj është vetëm korrupsioni.
Më tej Meta, thekson se ka ardhur koha për t’i thënë mjaft arrogancës së qeverisë Rama, duke shtuar se 14 maji është e dita e ndëshkimit të dhunimit të pronave të shqiptarëve nga banda në pushtet.
“Solidaritet të plotë me banorët e Bërxullës në mbrojtjen e të drejtës të pronës. Qeveria grabitqare e “Rilindjes” zhvlerëson pronat e ligjshme të qytetarëve dhe fryn artificialisht kostot e investimeve publike sepse prioriteti i saj është vetëm korrupsioni. Mjaft talljes me pronën e shenjtë të qytetarëve! 14 Maji dita e ndëshkimit kundër arrogancës, korrupsionit dhe dhunimit të pronave të shqiptarëve nga banda në pushtet!”, ka shkruar Meta.
Arena e Lajmit