Futbolli gjithmonë ka treguar që është sa i paparashikueshëm aq edhe i çuditshëm.
Së fundmi, në ndeshjen mes Polonisë dhe Holandës, e cila përfundoi me rezultatin 0-2 për kombëtaren e drejtuar nga Luis Van Gal ka ndodhur diçka e rrallë në futboll.
Në këtë duel, portieri i “portokallinjve”, Remko Pasver ka debutuar në moshën 38-vjeçare me kombëtaren e tij.
Gardiani, i cili aktualisht aktivizohet me skuadrën e Ajaksit, ka bërë debutimin e tij me Holandën ekzaktësisht në moshën 38-vjeçare e 10 muaj e 14 ditë.
Ai do të mbushë 39-vjeç më 8 nëntor dhe hyn në librat e statistikave.
Me fanellën e Ajaksit në sezonin aktual në Eredivisie, Pasver është aktivizuar gjithsej në 7 ndeshje.
– Arena e Lajmit
NDIQE LIVE “PANORAMA TV”