ZYRTARE/ Goditje në limite, skuadra e Kategorisë së Dytë afron mbrojtësin 21-vjeçar

Pogradeci prej disa ditësh ka lënë hotelin ku ishin grumbulluar dhe seancat tashmë po i kryejnë në stadiumin e qytetit.

E reja më e fundit në klub është një goditje “inextremis” në merkato, që është edhe e fundit.

Liqenorët kanë afruar vlonjatin Amarildo Elmazaj, i cili luan në rolin e mbrojtësit të majtë.

Samuel Nikaj kishte paralajmëruar se mund të kishte ndonjë surprizë dhe ashtu ndodhi.

Me 21-vjeçarin blindohet totalisht mbrojtja, por edhe organika.

Elmazaj është produkt i akademisë së Flamurtarit, ndërsa sezonin e fundit mbajti veshur fanellën e Labërisë.

Lojtarët që do të nënshkruajnë mund të jenë rreth 25 dhe 5 të tjerë do të jenë lojtarë nga U-19, por do të kryejnë seancat stërvitore me skuadrën e parë.

Nëse ndonjë prej tyre do të ketë rritje, do t’i jepet besim dhe minutazh gjatë kampionatit apo në dy ndeshjet e Kupës së Shqipërisë.

– Arena e Lajmit

NDIQE LIVE “PANORAMA TV”