Deputetja e Partisë Demokratike, Ina Zhupa nga Foltorja e Kuvendit deklaroi se Rama është frikësuar nga mediat kritike me qeverisjen e tij, si në rastin e “Focus Group” dhe “Hysenbelliu Group”.
Demokratja, në denoncimin e saj iu referua rastit më të fundit ku Tatimet kanë vendosur gjobë ndaj “News24”.
Zhupa akuzoi qeverinë se ka frikë nga mediat e ndaj ka vendosur gjoba ndaj News24, BalkanWeb, Panorama dhe Ora News.
“Keni frikë nga mediat. Mediat amerikane i quan kazanë, ndërsa mediat shqiptare që duan të nxjerrin të vërtetën u vendos gjobat. Gjoba për News24, BalkanWeb, Panorame dhe Ora News, pasi i ka shembur dhe u bën 1001 të zeza që ato të jenë ERTV1, ERTV2 …”, tha Zhupa.