Aktori i famshëm Robert De Niro është bërë baba për herë të shtatë në moshën 79-vjeçare.
E dashura e artistit, Tiffany Chen, u pa me të porsalindurin e tyre vetëm disa ditë pasi aktori zbuloi se është bërë sërish baba.
Chen u shfaq duke shëtitur nëpër rrugët qytetit të Nju Jorkut me të voglin e saj së fundmi, sipas fotove të marra nga Daily Mail. Edhe pse emri dhe gjinia e foshnjës nuk janë zbuluar ende, i porsalinduri u mbajt komod në një batanije rozë dhe të bardhë.
Shtatzënia e partneres së aktorit u mbajt e fshehtë derisa u fotografua në publik me barkun e rrumbullakosur teksa kishte dalë në një darkë muajin e kaluar.
Menjëherë pas kësaj, De Niro i habiti fansat duke njoftuar ardhjen e fëmijës së tyre, dhe se çifti kishin “planifikuar” të zgjeronin familjen e tyre, sipas burimeve për Page Six.
Fituesi i çmimit Oscar ka gjashtë fëmijë nga marrëdhëniet e mëparshme. De Niro dhe gruaja e tij e parë, Diahnne Abbott, janë prindër të vajzës Drena, 51 vjeç, dhe djalit Raphael, 46 vjeç.
Në vitin 1995, ai mirëpriti djemtë binjakë Julian dhe Aaron, 27 vjeç, me ish të dashurën e tij, modelen dhe aktoren Toukie Smith.
De Niro ka gjithashtu djalin Elliot, 24 vjeç dhe vajzën Helen Grace, 11 vjeç, me ish-gruan e tij, Grace Hightower.
NDIQE LIVE “PANORAMA TV”