Aksident në Lushnje/ 34-vjeçari humb kontrollin e motorit dhe del nga rruga, transportohet në spital

Një aksident është raportuar ditën e sotme në Lushnje. Mësohet se ngjarja ka ndodhur në aksin rrugor “Lushnjë-Rrogozhinë”.

Mësohet se 34-vjeçari  E. S., duke drejtuar motomjetin ka humbur kontrollin dhe ka dalë nga rruga.

Si pasojë e daljes nga rruga 34-vjeçari  ka pësuar dëmtime dhe ndodhet në spital, në kujdesin e mjekëve.

Njoftimi:

Lushnjë/Informacion paraprak

Rreth orës 13:40, në aksin rrugor “Lushnjë-Rrogozhinë”, shtetasi E. S., 34 vjeç, duke drejtuar motomjetin ka humbur kontrollin mbi drejtimin e motomjetit dhe ka dalë nga rruga.

Si pasojë e daljes nga rruga është dëmtuar shtetasi E. S., i cili ndodhet në spital, në kujdesin e mjekëve.

Grupi hetimor po punon për zbardhjen e shkakut të daljes nga rruga.