Shakira: Kishin raporte të tensionuara, Guardiola e bënte Pique të vuante

Gazeta spanjolle “El País” ka publikuar një pjesë të deklaratave të Shakirës gjatë deponimit të saj për mashtrim të mundshëm tatimor.

Disa pasazhe në to tërheqin vëmendjen në të cilat ai e bën të qartë se marrëdhënia midis Xherard Pike (ish-partnerit të saj) dhe Barcelonës ishin të ndërlikuara. Ajo i është referuar sidomos kohës së Pep Guardiolës në stolin e klubit blaugrana.

“Xherard kishte një marrëdhënie mjaft të komplikuar me Barçën. Me Guardiolën ai kishte një marrëdhënie super të tensionuar, ‘ose ti ose unë’”, ka deklaruar këngëtarja kolumbiane, sipas gazetës spanjolle.

“Ishte një situatë që e bëri të vuante shumë”, shtoi ajo.

Në të njëjtën linjë, ajo shpjegoi gjithashtu se marrëdhënia e saj personale me ish-futbollistin katalanas ishte gjithashtu e stuhishme në disa aspekte.

“Marrëdhënia jonë ishte shumë e turbullt, ai ishte një Dragon Kan, sepse jeta jonë profesionale nuk përputhej, ishte si përzierja e vajit me ujin. Unë isha një ‘globetroter’ dhe ai duhej të përmbushte një orar”, tha ajo për gazetën më të madhe spanjolle.

Kujtojmë se çifti u bë i famshëm verën e kaluar kur pas një marrëdhënie që zgjati më shumë se dhjetë vjet ata vendosën të ndanin rrugët ndërmjet tyre.PanoramaSport