Një gjykatë holandeze ka dënuar në mungesë sulmuesin e Spartak Moskës, Quincy Promes, me 18 muaj burg për agresion, në lidhje me një përleshje të vitit 2020, ku ai goditi me thikë kushëririn e tij në gju.
Transmetuesi holandez RTL raportoi se Promes do ta apelojë vendimin, duke cituar avokatin e tij. Promes, 31 vjeç, jeton në Moskë dhe nuk është e sigurt se do të kthehet në Holandë.
Ai u akuzua në maj për importimin e disa qindra kilogramëve kokainë përmes portit belg të Antwerp-it, në vitin 2020, pasi u përgjua në një hetim të trafikantëve të drogës.
Avokati i tij po kundërshton nëse këto biseda mund të përdoren në këtë hetim. Më parë ai ka luajtur te FC Twente, Go Ahead Eagles dhe Ajax. Promes, gjithashtu ka luajtur 50 ndeshje ndërkombëtare për Holandën.
()
and then