Yuri Kim “lë” Shqipërinë”, Endrit Shabani: Opozita e vetme në vend është Ambasada Amerikane. Rama duhet të ishte në burg

Ambasadorja Yuri Kim ka mbaruar mandatin në vendin tonë dhe së shpejti do të largohet.

Në emisionin “Open” në News24 po diskutohet në lidhje me bilancin e punës së saj.
I ftuar në studio, Endrit Shabani nga Nisma Thurje ka deklaruar se e vetmja opozitë që i ka mbetur vendit dhe që mund të frenojë kryeministrin Edi Rama është Ambasada Amerikane.
Ai ka shtuar se e vetmja arsye që ka pasur disa rezultate nga Reforma në Drejtësi dhe ajo Zgjedhore, është pikërisht mbështetja nga amerikanët.

Pjesë nga diskutimi në studio:

Shabani: Opozita e vetme në vend, në kuptimin që mund të frenojë Edi Ramën është Ambasada Amerikane.
Rama i ka thyer të gjitha kufizimet e brendshme dhe SPAK ka rezultat vetëm se ka mbështetje nga SHBA dhe ndërkombëtarët.

Yuri Kim u përpoq të influenconte reformën zgjedhore, që jepte më shumë barazi mes palëve. Kishte rezultat sepse u hapën listat.

Reforma në drejtësi ka dhënë rezultat edhe pse nuk është perfekte.
Rezultatet e deritanishme ishin vetëm nga ndërhyrja e ndërkombëtarëve.

Dyrnjaja: Reforma në drejtësi për mua është e dështuar.
Ikja e zonjës Kim ka dy pamje. Në pikëpamjen personale, bilanci i saj personal është i mirë.
Bilanci real, mendoj që zonja Kim e lë më keq sot Shqipërinë seç ishte. Investimet amerikane janë aspak, pra janë tregues që ne si produkt i kemi zero ose çka, por jo në rritje.

Sa i përket ish- ministrit Tahiri, ishte nga drejtësia e vjetër, ka nisur nga Prokuroria e Krimeve të Rënda jo nga SPAK.
Peshqit e mëdhenj janë jashtë ndërsa të vegjlit brenda. nëse ka një dështim është reforma në drejtësi sepse dy komisionet e vetingut janë në substancë të korruptuara.
Ka shumë njerëz sot që kanë kaluar vetingun që nuk e meritojnë. Dikush u largua për një shishe ujë që nuk e justifikonte, ndërsa për dikë u mbyllën sytë.

Për mua ka rënë vetingu, pra ka rënë reforma. Sepse vetingu synonte pastrimin e sistemit të drejtësisë

Shabani: Po thua që në 2019 ishim më mirë. në cilin indikator ishim më mirë

Dyrnjaja: Krimi i organizuar dhe korrupsioni. Mbi këto baza funksionon SPAK. Krimi i organizuar është goditur gjithmonë në Shqipëri. SPAK u krijua për korrupsionin, ndërkohë që nuk ka rezultat. Rama është në pushtet, hetohet apo jo për afera të rëndësishme që ka në treg. Pse nuk hetohet?

Shabani: Rama duhet të ishte në burg.