Biznesmeni Pëllumb Gjoka i arrestuar nga SPAK si anëtar i grupit të strukturuar kriminal rezulton se në vitin 2021 është shpallur Investitor Strategjik nga qeveria e kryeministrit Edi Rama.
Në vendimin e Komitetit të Investimeve strategjike të Korrikut të viti 2021 biznesmenit Pëllumb Gjoka i është miratuar statusi i Investitorit Strategjik për projektin “Silver Sand Resort” me subjekt aplikues “Imperial Group”.
Kompania përfituese sipas dokumenteve në qendrën kombëtare të biznesit zotërohet me 56% nga biznesmeni Pëllumb Gjoka ndërsa pjesa tjetër nga familjarët e tij Alida Gjoka dhe Kolë Gjoka me nga 22% secili.
Pra biznesmeni Pëllumb Gjoka ka më shumë se gjysmën e aksioneve të kompanisë “Imperial Group”. Në vendimin e Komitetit të Investimeve Strategjike rezulton se projekti “Silver Sand Resort” i biznesmenit Pëllumb Gjoka parashikohej të shkonte afërsisht në 52 milion euro.
Ky projekt parashikonte realizimin e një kompleksi turistik i cili përfshinte një hotel pranë shëtitores kryesore, 1 hotel me 5 yje si dhe apartamente dhe vila të llojeve të ndryshme. Ky investim strategjik ishte parashikuar të realizohej në Shkodër.
and then