Mbrëmjen e sotme në emisionin “Open”, fokusi i diskutimit është kthyer tek krerët e grupeve kriminale shqiptare të trafikut të lëndëve narkotike, të cilët kanë zgjedhur që të fshihen në Dubai, për t’i shpëtuar arrestimit në vendin tonë.
Sipas ish-prokurorit Eugen Beçi, për ta është shumë e lehtë që të qëndrojnë në Dubai, pasi Shqipëria nuk e ka një marrëveshje ekstradimi me Emiratet e Bashkuara.
Sipas gazetarit Jul Kasapi, këtyre peronave, nuk u kërkohet llogari sesi i kanë bërë paratë, çka u jep mundësinë që të bëjnë atje një jetë luksi, me para cash.
“Organizatat kriminale shqiptare i fshehin paratë në Dubai sepse atje ka lehtësira për të pastruara. ata e dinë mirë që nëse bëjnë një investim të fuqishëm, pas 10 vitesh mund të ndërrojë mendje qeveria dhe i humbin. Ata bëjnë jetë luksi sepse kanë para cash të pakontrolluar. Ne fajin nuk duhet t’i vëmë Dubait që i fsheh, por institucioneve që nuk i parandaluan dot”, thotë Beçi.
“Dubai nuk jep shtetësi, dhe kjo do të thotë që shumica e shqiptarëve që shkojnë për të jetuar. Dy arsyet që shkojnë janë parajsa ligjore dhe fiskale. Aty përdoret shumë leku cash, që do të thotë se kjo u intereson grupeve kriminale. Në Dubai nuk të kërkon kush sesi i ke bërë paratë”, shprehet gazetari.
and then