Situata në PD dhe përplasjet e fundit, Mërtiri: Po bëhet estradë, Bardhi në mënyrë indirekte po favorizon Berishën

Analisti Ergys Mertiri, në një lidhje Skype sot për News24, ka folur për zhvillimet e fundit ndodhura në Partinë Demokratike.

Sipas tij mbledhja online e Këshillit Kombëtar të PD që Gazment Bardhi ka thirrur sot është qesharake, pasi ‘nuk jemi në kohë pandemie’. Mërtiri shprehet më tej se situata në PD është kthyer në estradë, teksa thotë se në mënyrë indirekt Bardhi po favorizon Sali Berishën.

“Berisha shfaqet si ai që ka monopolin e opozitës. Bardhi duket se ka në plan të bëjë aksione politike që i shërbejnë Berishës. Do doja të kishte PD njerëz si Gjergj Hani. Çështja është që kjo parti të prodhojë një fytyrë të re. Basha është njeri i konsumuar, sepse ka prnauar që të qëndrojë edhe nën hijen e Berishës prej 8 vitesh”, shprehet ai.