Nuk ka lajme të mira për Vllazninë. Pavarësisht se sjellja e tifozërisë kuqeblu ishte model në përballjen e dytë të Ligës së Konferencës mes Vllaznisë dhe Linfildit përsa u përket 90 minutave të luajtura, fishekzjarrët e hedhura pas përfundimit të takimit i kanë kushtuar një gjobë shkodranëve.
Klubi shkodran është gjobitur me shumën 4500 euro, për shkak të hedhjeve të lëndëve piroteknike në fushë. Komisioni i Disiplinës pranë UEFA-s ka marrë një vendim, i cili i është vënë në dispozicion edhe klubit.
Padyshim që këto dënime nuk janë aspak të mira, sepse në fund të fundit atmosfera në stadiumin “Loro Boriçi” ka qenë e shkëlqyer në atë takim. Kuqeblutë duhet ta paguajnë këtë shumë brenda 90 ditësh nga marrja e njoftimit. PanoramaSport
and then