Kapet ‘mat’ duke shitur doza heroine në zonën e Alliasit, pranga 45-vjeçarit

Policia e Tiranës ka arrestuar  një 45-vjeçari, i cili është kapur ‘mat duke shitur doza heroine në zonën e Alliasit.

Uniformat blu bëjnë me dije s enë pranga ka rënë shtetasi me iniciale E. Dh., banues në Tiranë.

Njoftimi i policisë:

Tiranë/Goditet nga Komisariati i Policisë Nr. 4, një rast i shpërndarjes së lëndës narkotike heroinë, në doza.

Kapet në flagrancë dhe vihet në pranga 45-vjeçari që shpërndante dozat e heroinës, në zonën e Alliasit.

Sekuestrohet një sasi lënde e dyshuar narkotike heroinë, e ndarë në doza, gati për shitje.

Shërbimet e Komisariatit të Policisë Nr. 4, në vijim të punës për garantimin e rendit dhe sigurisë, evidentimin dhe goditjen e veprimtarive kriminale në fusha të ndryshme, kapjen në flagrancë të shtetasve që kryejnë vepra penale dhe vënien e tyre përpara përgjegjësisë ligjore, bazuar dhe në informacionet e siguruara për një rast të shpërndarjes së lëndëve narkotike, kanë intensifikuar kontrollet dhe kanë goditur një rast të kësaj veprimtarie kriminale.

Si rezultat i kontrolleve, në Allias, u kap dhe u arrestua në flagrancë shtetasi E. Dh., 45 vjeç, banues në Tiranë.

Gjatë kontrollit, shërbimet e Policisë i kanë gjetur 45-vjeçarit, një sasi lënde të dyshuar narkotike heroinë, të ndarë në doza, gati për shitje. Lënda narkotike u sekuestrua në cilësinë e provës materiale.

Nga verifikimet e kryera ka rezultuar se ky shtetas, pasi siguronte lëndë narkotike heroinë, e ndante në doza të cilat i shiste më pas në zonën e Alliasit.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.