Pas 12 vitesh, investimesh të pafundme, debakleve të pafundme evropiane dhe një pasarele të paprecedentë yjesh, PSG ka vendosur të hyjë në një epokë të re, duke hequr yjet dhe duke zgjedhur një model drejt stabilitetit dhe shpirtit kolektiv.
Shitja e Marco Verrattit tek Al Arabi, për një shumë që shkon në 50 milionë euro, ka përmbushur premtimin e Nasser Al Khelaïfi për fillimin e një projekti të ri. Ndonëse ka arritur të ruajë xhevahirin Mbappe edhe për një sezon, me të cilin shpreson të rinovojë, realiteti është se skuadra aktuale ka pak lidhje me me të bujshmen e 2021-it.
Një vit para Kupës së Botës, pasi humbi Ligue 1, sheikët nga Katari bënë një revolucion total, duke nënshkruar me Leo Messin, Sergio Ramos, Donnarumma dhe Hakimi. Projekti milioner arriti kulmin në atë kohë. Megjithatë, rezultatet ishin të njëjta, edhe më keq, duke mbetur shumë larg objektivit të tyre të madh, Champions League.
Dy debakle radhazi në kompeticionin më të lartë kontinental, duke u eliminuar në raundin e 16-të në të dyja edicionet, ishin shkasja përfundimtare që Al Khelaïfi të vendoste të mos bënte përpjekje të mëdha për të rinovuar lojtarë si Ramos dhe Messi.
Të dy u liruan në maj dhe Neymar, të cilin ai po përpiqej ta shiste prej dy verash, i gjeti një vend në Arabinë Saudite. Al Hilal shpenzoi 90 milionë euro dhe e nxori PSG-në nga telashet. Epoka e re e PSG-së tashmë ka filluar.
()
and then