Real Sociedad tremb jo pak Real Madrid-in, teksa ndeshja e xhiros së pestë në La Liga përfundoi 2-1 për madrilenët. Në një stadium të tejmbushur, “Santiago Bernabeu” motivoi në maksimum skuadrën për 3 pikët, pasi për fitoren u desh përmbysja.
Në krahun tjetër, Sociedad i dërgon mesazh edhe Interit se asgjë nuk do jetë e lehtë për nënkampionët e Europës, pak ditë para përballjes mes tyre në UEFA Champions League.
Baskët morën avantazhi në minutën e pestë me Ander Barrenetxea. Japonezi Kubo ishte rrezik konstant me shpejtësinë e tij për mbrojtjen e Los Blancos dhe ia doli të dyfishojë shifrat pak më vonë, por goli u anulua për pozicion jashtë lojë. Në pjesën e dytë skuadra e Ancelottit bën kthesën e madhe, duke përmbysur llogaritë. Sapo nisi pjesa e dytë, Valverde vendosi ekuilibrat në 1-1. Për t’i dhuruar fitoren Realit mendoi Joselu (60′). JS
()
and then