Armand Lauriente, një sulmues që aktualisht luan për Sassuolo, mund të jetë një emër i mirë me prespektivë dhe që mund të kthehet në një objektiv merkatoje për Juventusin, duke pasur parasysh vlerësimin e veçantë që drejtori aktual i bardhezinjve, Giuntoli, ka ndaj tij. I intervistuar nga Sportitalia, agjenti i lojtarit Roberto Meloni është përgjigjur si më poshtë në lidhje me interesimin e “Zonjës së Vjetër”.
“Juve është e interesuar për Laurienté?” Jo. E di që Giuntoli e pëlqen lojtarin, por, deri më sot, Juventusi ka një strategji të ndryshme, më duket mua, dhe ka një mënyrë të ndryshme të lojës nga ajo që i përshtatet Laurienté. Pastaj e përsëris: Giuntoli e pëlqen, e ka ndjekur që në Napoli”, deklaroi Meloni.
Francezi Lauriente u transferua në Reggio Emilia në vitin 2022 nga Lorient. Në sezonin e parë, lojtari ra në sy me 7 gola dhe 6 asiste.
(J.S/)
and then