Vrasja e efektivit të Policisë së Kosovës, Ministri i Brendshëm Balla niset drejt Kosovës për të marrë pjesë në homazhe

Ministri i Brendshëm Taulant Balla është nisur drejt Prishtinës, ku do të marrë pjesë në homazhet për nder të Rreshterit Afrim Bunjaku, i cili u vra nga terroristë serbë gjatë sulmit në veri të Kosovës.

Sot Kosova ka shpallur ditë zie, teksa do të përcillet në banesën e fundit dhe efektivi i rënë në krye të detyrës.

Taulant Balla ka zhvilluar një bisedë telefonike me homologun e tij, Xhelal Sveçla ditën e djeshme ku i ka shprehur ngushëllimet për zyrtarin e policisë që ka humbur jetën dhe ka uruar shërim të shpejtë të plagosurve.