Tregtarët e drogës që vepronin me urdhër të një bande kriminale u kapën me qese kokaine të fshehura në një çorape, ndërsa policia britanike po kontrollonte një ‘pikë të nxehtë’ të qendrës së qytetit. Haziz Muka, 23 vjeç dhe Elidon Jukaj, 24 vjeç, u panë nga policia në një makinë në qendër të qytetit të Mançesterit.
Dyshja, i ishte nënshtruar ‘presionit’ dhe ‘detyrimit’ në tregti droge pasi u kërcënuan nga një bandë krimi në vendlindjen e tyre, Shqipëri, tha Gjykata e Kurorës së Mançesterit. Prokurorët thanë se oficerët e policisë ishin jashtë në qendër të qytetit të Mançesterit, si pjesë e një operacioni “proaktiv” që synonte tregtimin e drogës. Ata i panë dy shqiptarët në një VË Golf rreth orës 18:40 më 16 qershor, në një zonë të njohur për oficerët si ‘pika e nxehtë e shpërndarjes së drogës’.
Teksa policët janë afruar, Jukaj është parë duke hedhur diçka nga makina, e parkuar në kryqëzimin e Rrugës së Parë me Rrugën Medlock. Policia gjeti një çorape të zezë e cila përmbante 28 qese me kokainë dhe gurë me kokainë. Jukaj u tha oficerëve se ai kishte marrë pakon dhe do ta dorëzonte në një adresë në qendër të qytetit. Muka nuk pranoi t’u përgjigjej pyetjeve të policisë.
Dyshja më vonë u deklarua fajtor për posedim të kokainës me qëllim furnizimin. Ata të dy dorëzuan dokumente, të pranuara nga prokurorët, të cilët thanë se u ishte bërë presion dhe u detyruan të përfshiheshin në krim. Muka me banim Church Street, Enfield, Londër, tha se familja e tij në Shqipëri po kërcënohej dhe ai po vepronte nën presion.
Duke u mbrojtur, David Farley tha se Muka erdhi në Mbretërinë e Bashkuar si një adoleshent ‘duke ikur nga një bandë droge’. I është dhënë leje për të qëndruar në vend dhe ka gjetur punë si hidraulik, derisa u rishfaq një ‘fantazmë nga e kaluara’.
“Ai ka çdo arsye për të besuar se tani është lënë vetëm nga kjo bandë,” tha zoti Farley. Jukaj tha se ishte ‘detyruar’ në veprimtari kriminale nga bandat në Londër dhe ishte ‘arratisur’. Familja e tij në Shqipëri i tha atij se po kërcënoheshin dhe se kishin marrë të dhënat e tij të reja të kontaktit. Jukaj, banues në Ëarëick Gardens, Londër, tha se ai veproi nga frika se çfarë mund të ndodhte me familjen e tij dhe kishte frikë t’i tregonte policisë. Avokati i tij Betsy Hindle tha se statusi i tij i imigracionit ishte ‘i jashtëzakonshëm’, por se ai kishte marrë kualifikime për t’u bërë hidraulik.
Ajo tha se ai nuk ndihej në gjendje të shkonte në polici në atë kohë, por donte që të shkonte. Gjyqtari, Regjistruesi Phil Barnes, tha për shiqptarët: “Ka arsye të mendosh se të dy, të cilët nuk keni qenë kurrë në telashe më parë, mund ta lini këtë pas vetes.”
Ata u dënuan të dy me nga dy vjet burg, me dy vjet pezullim, u urdhëruan të kryenin 150 orë punë pa pagesë dhe të kryenin 10 ditë detyrimi për aktivitet rehabilitimi.
and then