Real Madrid pësoi humbjen e parë këtë sezon, duke lënë vetëm në podiumin e ekipeve të pathyeshme, Inter dhe Man.City. Ekipi i zikaltër vijon ecurinë perfekte në Serie A, 5 ndeshje 5 fitore. Inzaghi po shijon në maksimum një ekip të kolauduar thuajse në perfeksion pasi në 5 javë kanë pësuar vetëm një gol, më mirë se çdo ekip tjetër në 5 kampionët më të rëndësishëm në Evropë. Inter qëndron i vetëm në krye me 15 pikë, plus 3 nga Milan.
Man.City i Pep Guardiola është ekipi tjetër i pathyeshëm, madje “qytetarët” kanë bërë edhe më mirë pasi kanë zhvilluar 6 ndeshje në Premier League, 6 fitore, por kanë pësuar 3 gola. City qëndron në krye, plus 2 pikë nga Liverpool.
Në Spanjë, Reali ra në javën e 6-të, ku pësoi një humbje të rëndë në derbin përballë Atletico Madrid. Si herë herë, nuk janë perfekt dy “bigët” e tjerë të Evropës, Bayern Munich dhe PSG. Ekipi i Tuchel është ndalur në një barazim me Leverkusen, ekip që ndan edhe kreun e Bundesligës, ndërsa PSG me 11 pikë në 6 javë renditet në vendin e tretë në Ligue 1.
()
and then