Juventus-Lecce (fillon në orën 20:45) është sfida që luhet për Serie A dhe që mbahet në Torino. Pak më parë janë publikuar edhe formacionet zyrtare, me trajnerin e bardhezinjve, Allegri dhe homologun D’Aversa që kanë vendosur për titullarët. Torinezët vijnë në këtë ndeshje me 10 pikë në renditje, një më pak se pulianët, surpriza e këtij fillimi sezoni, skuadër ende e pamposhtur këtë sezon me 11 pikë.
Kapiteni Danilo dhe shokët e tij duan të kompensojnë gabimin e së shtunës së kaluar në Sassuolo, sakaq Lecce synon të vazhdojë me magjinë e pathyeshmërisë.
Te mysafirët nga minuta e parë luan Ramadani. Allegri ka lënë Vlahovic në pankinë, duke i besuar sulmin Milik dhe Chiesas. Tekniku i “Zonjës” preferon Szczesny në portë, ndërsa Rugani zë vendin e Gattit në mbrojtje. Në xhiron e radhës, pasditen e së shtunës, Lecce pret Napolin, ndërsa Juventusi viziton Atalantën të dielën në orën 18:00.
Formacionet:
JUVENTUS (3-5-2): Szczesny; Danilo, Bremer, Rugani; McKennie, Fagioli, Locatelli, Rabiot, Cambiaso; Milik, Kisha.
LECCE (4-3-3): Falcone; Venuti, Baschirotto, Pongracic, Dorgu; Oudin, Ramadani, Blin; Almqvist, Krstovic, Strefezza.
Rezultati Live:
Juve 0-0 Lecce
(J.S/)
and then