Zinedine Zidane nuk drejton një ekip prej dy vitesh e gjysmë, pasi është larguar nga Real Madrid në 2021-shin. Megjithatë, Topi i Artë i 1998-ës vazhdon të jetë shumë i përmendur në merkaton e trajnerëve. Dhe jo vetëm.
Zidane duket se ka pranuar të kaloje te Marseille, skuadra e qytetit ku ka lindur, jo si trajner, por si drejtor i përgjithshëm, me kusht që klubi të blihet nga një fond i Arabisë Saudite. Marseille po kalon një moment shumë delikat, me pronësinë e kryesuar nga Frank Mçourt që është vënë në shënjestër nga tifozëria.
Pas dorëheqjes së Marcelino-s, në stol është ulur Gattuso, që në Francë thonë se është zgjedhur nga klubi vetëm pas refuzimit të Zidane për t’u bërë trajneri i skuadrës. Tani po shtohen zërat për kalimin e Zizou e klubi francez në rolin e drejtuesit.
Arabët e interesuar për të blerë Marseille duket se janë gati t’i garantojnë Zidane një rrogë milionere për detyrën e tij. Për ish-futbollistin, i cili nuk ka luajtur kurrë te Marseille, do të bëhej fjalë për një ndryshim të bujshëm rolesh me objektivin që të bëhet i pari që fiton si lojtar, trajner dhe si drejtues.
()
and then