“Thellësisht të shqetësuar”, Ambasada e SHBA reagon për kërcënimet ndaj prokurorëve: Duhet ta kryejnë detyrën pa frikë, ne jemi të gatshëm t’i mbështesim

Ambasada e SHBA në Tiranë ka reaguar përmes një deklarate në platformën X, lidhur me me kërcënimet ndaj përfaqësuesve të drejtësisë në vend.

Ambasada shprehet se hetuesit, prokurorët dhe gjyqtarët duhet të jenë në gjendje të kryejnë detyrat e tyre pa kërcënime apo frikësim.

A justice system free of fear and intimidation is a rightful demand of the Albanian people and the United States Embassy is deeply concerned about the threats of violence against law enforcement officials who are working to make Albania safe, prosperous, and more democratic.… pic.twitter.com/C04qqcHzik

— USEmbassyTirana (@USEmbassyTirana) October 4, 2023

“Një sistem drejtësie pa frikë dhe frikësim është një kërkesë e drejtë e popullit shqiptar dhe Ambasada e Shteteve të Bashkuara është thellësisht e shqetësuar për kërcënimet e dhunës ndaj zyrtarëve të zbatimit të ligjit që po punojnë për ta bërë Shqipërinë të sigurt, të begatë dhe më demokratike.

Hetuesit, prokurorët dhe gjyqtarët duhet të jenë në gjendje të kryejnë detyrat e tyre pa kërcënime apo frikësim. Shtetet e Bashkuara pohojnë mbështetjen e tyre të palëkundur për zyrtarët e zbatimit të ligjit të Shqipërisë që luftojnë me guxim korrupsionin dhe krimin e organizuar dhe janë të gatshme të mbështesin përpjekjet e tyre’, thuhet në njoftimin e ambasadës.