Ka nisur dhe ka përfunduar me debate të forta seanca e sotme plenare në Kuvendin e Shqipërisë, ndërsa deputetët e opozitës kanë bllokuar disa herë foltoren.
Pas një dite maratonë, në orët e mbrëmjes së sotme, deputetët kanë bllokuar foltoren dhe podiumin e qeverisë, pas debatit për Reformën Zgjedhore, kur pozita refuzoi të votojë ndryshimet. Pas këtij momenti deputetët e opozitës rrethuan foltoren dhe podiumin e qeverisë, situatë kjo që ka bërë që të anulohet votimi.
Sakaq, në një deklaratë për mediat Gazment Bardhi tha se opozita ka të drejtë të caktojë përfaqësuesit e vet në komisionin e reformës zgjedhore.
“Ka një tentativë të qartë të grupit të PS për të penguar përfaqësimin e opozitës në këtë komision për të zvarritur realizimin e reformës zgjedhore.
Nëse opozitës i mbyllet çdo hapësirë, Kuvendi nuk mund të funksionojë në mënyrë normale. Kur nuk realizohen kërkesat e interpelancës, kur nuk lejohen komisionet, kjo do të thotë se parlamenti ka humbur çdo mundësi bashkëjetese normale mes pozitës dhe opozitës”, u shpreh Bardhi.
“Arena e Lajmit”
and then