Derbi i Torinos i takon Juventusit. Bardhezinjtë mundën pastër 2-0 Torinon, në sfidën e Serie A të luajtur në Allianz Stadium (Turin). Ekipi i Allegrit realizoi me Gattin në fillimin e pjesës së dytë, me futbollistin që shfrytëzoi në maksimum një rrëmujë në zonë. Gjithsesi, për të legjitimuar festën e “Zonjës së Vjetër” u nevojit ndërhyrja e VAR (dyshime për offside), katër minuta iu deshën sistemit të teknologjisë për të cilësuar si të rregullt golin e 25-vjeçarit.
Për të vrarë përfundimisht shpresat e djemve të Juric mendoi Milik. Juventus kështu ndjek vendet e para dhe aktualisht renditet e 3-ta me 17 pikë. Torino e vendit të 12-të synon që të grumbullojë sa më shumë pikë, për të mos diskutuar mbijetesën.
Spektakli i Serie A vazhdon në mbrëmje. Në Genoa është e rezervuar përballja mes Genoas dhe Milanit, takim ky që do gjykohet nga Piccinini M. (Ita).
(J.S/)
and then