TIRANË
Nënkryetari i Partisë së Lirisë Petrit Vasili deklaron se çmimi i naftës në vend është fytyra e qeverisë që vjedh çdo çast qytetarët.
Vasili shkruan se në të gjitha bursat çmimi i naftës ka rënë dukshëm, por në Shqipëri nuk ka ulje.
Ai akuzon qeverinë dhe deputetët për vjedhjen e qytetarëve.
POSTIMI I PLOTË
Çmimi i naftës, fytyra e qeverisë që vjedh çdo çast qytetarët!
Çmimi i naftës ka rënë dukshëm në të gjitha bursat.
Këtë javë, Brent ra me rreth 11 për qind, ndërsa ËTI shënoi një rënie prej më shumë se 8 për qind.
Ndërsa në Shqipëri kjo ulje e çmimit të naftës nuk duket gjëkund dhe çmimi qëndron rreth 200 lekë litri.
Qeveria dhe oligarkët që kontrollojnë monopolin e naftës spekulojnë haptas mbi kurrizin e qytetarëve.
Aktualisht çmimi i naftës në Maqedoni është vetëm 147 lekë litri me një diferencë të madhe nga çmimi krahasuar me Shqipërinë.
Qeveria e mbron hapur spekulimin me çmimin e naftës dhe i krijon hapësira pa fund asaj duke përfituar ajo vetë nga kjo grabitje, që iu bëhet qytetarëve.
Deputetët rilindas janë pjesë e të njëjtës vjedhje shtetërore që iu bëhet qytetarëve.
Ndaj deputetët rilindas në Kuvend rrëzuan Projektligjin e Partisë së Lirisë për heqjen e dy taksave nga nafta dhe uljen e çmimit të saj.
Çmimi spekulativ i naftës tregon qartë se qeveria është peng i interesave korruptive më të errëta dhe plaçkitja e qytetarëve është i vetmi qëllim që ajo ka.
and then