Një 44-vjeçar ka përfunduar në prangat e policisë në kuadër të operacionit “Tempulli”. Shtetasi me iniciale L. L., u kap duke shitur lëndë narkotike në afërsi të shkollave. Policia tha se i ka sekuestruar atij rreth 500 doza lënde narkotike cannabis sativa, të gatshme për shitje.
Njoftimi:
Vijon megaoperacioni policor i koduar “Tempulli”, për goditjen e veprimtarisë kriminale të shitjes së lëndëve narkotike, në afërsi të shkollave. Evidentohet dhe goditet një tjetër rast i kësaj veprimtarie kriminale. Kapet dhe vihet në pranga 44-vjeçari që shpërndante doza kanabisi, në afërsi të shkollave, në qytet.
Sekuestrohen rreth 500 doza lënde narkotike cannabis sativa, të gatshme për shitje.
Specialistët e Seksionit për Hetimin e Nakotikëve të DVP Vlorë, në vijim të veprimeve intensive operacionale të kryera në kuadër të megaoperacionit policor mbarëkombëtar, antidrogë, të koduar “Tempulli”, pasi kanë siguruar informacion se një shtetas shiste lëndë narkotike në afërsi të shkollave në qytet, kanë organizuar punën për kapjen dhe vënien e tij përpara përgjegjësisë ligjore.
Si rezultat, u kap në afërsi të një shkolle në qendër të qytetit dhe u arrestua shtetasi L. L., 44 vjeç, banues në Vlorë.
Gjatë kontrollit ndaj 44-vjeçarit, shërbimet e Policisë kanë gjetur sasi lënde të dyshuar narkotike kanabis, të ndarë në rreth 500 doza, gati për shitje. Lënda narkotike u sekuestrua në cilësinë e provës materiale.
Nga verifikimet e kryera ka rezultuar se ky shtetas, pasi siguronte lëndë narkotike kanabis, e ndante në doza, të cilat i shiste më pas në qytet, kryesisht në afërsi të shkollave.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
and then