Fitorja kundër PSG ishte jetike jo vetëm për Milanin, por edhe për Stefano Piolin, i përfunduar nën akuzë pas një sezoni me ulje ngritje të forta. Sigurisht që ky trepikësh rikthehen qetësinë në shtëpinë e “djallit”, por Pioli kërkon të vazhdimësi:
“Është e qartë që dëshiroj të shoh gjithnjë këtë Milan. Këto ndeshje tregojnë shumë gjëra. Vuajtëm, ata kishin kontrollin e topit, por ne kishim raste edhe për të shënuar ndonjë gol më shumë. Kemi bërë një hap të rëndësishëm përpara, por ky grup do të vendoset në ndeshjen e fundit. Tani kemi ndeshjen direkte me Dortmund që është përpara nesh me pikë, mund të jetë përcaktuese. Leao? Ky duhet të jetë standardi i tij. Mund të jetë një kampion, por kjo varet vetëm nga ai. Bëri një ndeshje të shkëlqyer, ashtu si të gjithë”, u shpreh Stefano Pioli pas ndeshjes.
Rafa Leao, i vlerësuar si njeriu i ndeshjes, nuk i fshehu emocionet për këtë sukses të rëndësishëm: “Ky vlerësim i shkon të gjithë skuadrës, i treguam të gjithëve se çfarë jemi të aftë të bëjmë. E dija që kjo ndeshje mund të ndryshonte gjithçka, fitorja ishte gjëja më e rëndësishme, ky sukses na jep besim. Sfida e fituar me Mbappe? Mbappe është Mbappe, është një model për mua. Unë bëj punën time, bëj Leaon, e dërgoj ekipin përpara”, u shpreh sulmuesi portugez.
E ka të vështirë të pranojë këtë humbje. Luis Enrique: “Më pëlqeu skuadra. Ne shënuam golin e parë dhe kishim shumë mundësi, gjithmonë sulmonim. Milani është një skuadër e madhe dhe me shumë histori. Mënyra sesi ne luajtëm ndikoi që ndeshja të bëhej e çmendur, por nuk më pëlqeu që kundërshtari më pas u tërhoq totalisht dhe u bë shumë e vështirë”, theksoi trajneri i PSG.
()
