Grabitje me armë në fshatin Prush të Tiranës, autorët qëllojnë edhe drejt policisë

Një tentativë grabitje me armë zjarri është regjistruar pasditen e sotme në një banesë në fshatin Prush të Tiranës.

Gazetari Igli Çelmeta thotë se familjarët kanë njoftuar policinë në kohë dhe forcat e rendit kanë shkuar drejt vendit të ngjarjes, por autorët e grabitjes kanë qëlluar edhe drejt forcave të rendit duke rrezikuar jetën e tyre.

Ndërkaq, policia është kundërpërgjigjur po me armë zjarrit. Fatmirësisht nuk ka asnjë person të lënduar.

Policia është vënë në ndjekje të autorëve.

(Arena e Lajmit)