Një pjesë e hekurudhës Durrës-Rrogozhinë do të financohet nga Bashkimi Europian. Ky i fundit deklaron se ka dërguar në llogari të qeverisë shqiptare, 62 mln euro.
Komisioni Europian ka dhënë 62 milionë euro grant për Shqipërinë, të cilat do të përdoren për ndërtimin e hekurudhës Durrës – Rrogozhinë, pjesë e Korridorit VIII. Lajmi është komentuar edhe nga zëvendëskryeministrja Belinda Balluku në rrjetet sociale. “Edhe një herë mbështetja e Bashkimit Europian për vendin tonë është e hapur duke financuar një tjetër projekt të rëndësishëm, për Shqipërinë, por edhe rajonin”, komentoi Balluku, duke shtuar se vlera e përgjithshme e këtij investimi arrin në 120.5 mln euro.
Segmenti hekurudhor Durrës-Rrogozhinë është pjesë e linjës hekurudhore Durrës – Pogradec, e cila parashikohet të lidhet me Maqedoninë e Veriut pranë fshatit Lin. Projekti përfshin zgjerimin e trasesë nga Shkozeti në Rrogozhinë, në një gjatësi 33 km, si dhe ndërtimin e urave të reja në përputhje me standardet europiane dhe kushtet gjeologjike-inxhinierike e sizmologjike të zonës së projektit. Po ashtu parashikohet përmirësimi i trasesë, ngritja e ndërtesave të reja të stacioneve në Golem, Kavajë, Lekaj e Rrogozhinë, si dhe rehabilitimi i trekëndëshit të Shkozetit.
and then