Ngrënia e lëkurës së portokallit është krejtësisht e shëndetshme dhe e sigurt por duke qenë mjaft e hidhur, nuk është lloji i ushqimit që do të dëshironit të hani në sasi të mëdha.
Shumë receta kërkojnë grirjen e lëkurës së portokallit për të shtuar më tepër shije dhe aromë në ëmbëlsira apo pije të ndryshme dhe kjo jo pa shkak.
AgroWeb.org ju njeh më poshtë me disa fakte rreth vlerave ushqyese që lëkura përmban dhe a është apo jo e sigurtë dhe e shëndetshme.
Vlerat ushqyese të lëkurës së portokallit
Sipas të dhënave të AgroWeb.org, lënda ushqyese kryesore e lëkurës së portokallit është vitamina C.
Lëkura përmban gjithashtu lëndë të tjera ushqyese si bakri, kaliumi, kalciumi, sasi të vogla magnezi dhe vitaminat B1, B5 dhe B6.
Edhe pse nuk ka gjasa të merrni sasi të konsiderueshme të magnezit ose fosforit nga ngrënia e lëkurës së portokallit, ju mund të merrni sasi të mjaftueshme të kaliumit dhe kalciumit.
Kaliumi është i rëndësishëm për shëndetin kardiovaskular dhe së bashku me kalciumin janë gjithashtu i nevojshëm për shëndetin e kockave.
Kalciumi mbështet gjithashtu funksionin e qelizave të sistemit tuaj nervor.
Sipas studimeve ku AgroWeb.org mbështetet, lëkura e portokallit ju ofron gjithashtu një sërë përbërjesh bioaktive të dobishme.
Këto përfshijnë antioksidantë si polifenolet, flavonoidet dhe acidet fenolike të domosdoshme për shëndetin.
A mund të konsumohet lëkura e portokallit?
Mund të duket pak e çuditshme të mendosh se lëkura e portokallit mund të konsumohet, duke pasur parasysh se sa e hidhur dhe e ashpër është ajo.
Lëkura e portokallit siç e thamë edhe më lart përfshihet në shumë receta. Si për shembull në ëmbëlsira, pije, sallatë dhe të përdoret si mbushje për shumë pjata të tjera.
Megjithatë, për një shije më të mirë, duhet të përdorni lëkurën e pastruar mirë dhe të papërpunuar të portokallit.
Nëse preferoni ju mund të copëtoni lëkurën e portokallit dhe ta përdorni për t’i dhënë shije çajrave, ujit dhe pijeve të ndryshme./AgroWeb.org
and then