Analisti Dritan Hila i ftuar në studion e “Open” në News24 ka komentuar veprimtarinë e Prokurorisë së Posaçme, duke zbuluar detaje nga hetimet e kësaj të fundit.
Hila u shpreh se SPAK ka nisur së fundmi hetime në disa dosje të rëndësishme nga zyrtarë të mazhorancës, gjë që sipas tij nuk e bën këtë institucion të kontrolluar nga qeveria.
“Në bazë të informacioneve që kam unë SPAK ka nisur hetime në disa dosje të rëndësishme të mazhorancës dhe ka nisur krehjen e bizneseve të tyre. Nuk mund të them është drejtësi e komanduar. Besoj se SPAK-u është i vetmi që po ngjall shpresë se mund të bëhet diçka në këtë vend, nuk e kam për Berishën, ai është një ndër të tjerët”, u shpreh ai.
Nga ana tjetër ish-ministri Aldo Bumçi kundërshtoi duke u shprehur se drejtësinë dhe padrejtësinë e bën qeverisja në vend.
“Drejtësinë dhe padrejtësinë e bën qeverisja. Qeverisja e ndikon, të mendosh se një institucion do ndryshojë jetën është të shkosh te sistemi kinez. Këtë bën Xi Jinping-u”, u shpreh ai.
and then