Shkëlzen Berisha, djali i ish-kryeministrit Sali Berisha, ka reaguar pas vendimit “arrest shtëpie” të Gjykatës së Posaçme për të atin.
Në një reagim në Facebook, Shkëlzen Berisha e ka cilësuar vendimin e GJKKO, si “kartolina e Ramës për Vitin e Ri”.
“Kartolina e Ramës për Vitin e Ri është arrestimi dhe izolimi i liderit të opozitës!”, shkruan ai.
Gjykata e Posaçme ka vendosur të shtunën e 30 dhjetorit pranimin e kërkesës së SPAK për ashpërsimin e masës së sigurisë ndaj ish-kryeministrit Sali Berisha, në “Arrest në Shtëpi”.
Sipas vendimit të zbardhur nga Gjykata e Posaçme, Berisha duhet të kryejë masën e tij të sigurisë në banesën e tij, nga e cila nuk mund të largohet si dhe nuk mund të komunikojë me persona të tjerë përveç atyre që bashkëjetojnë me të.
Për ekzekutimin e këtij vendimi është ngarkuar Prokuroria e Posaçme kundër Korrupsionit dhe Krimit të Organizuar, përfaqësuar nga prokurorët Arben Kraja dhe Enkeleda Millonai.
and then